I le amatalia ai o lenei masina o Iulai, o lea ua amata ai ma le tau fou e totogi e tagata Ueligitone e faaaogāina auaunaga a pasi, nofoaafi poo trains faapea vaa feoa’i i le sami.
E 10% le siitaga mo auaunaga nei ua amatalia i le asō, ma mai le puleganuu o se siitaga ua faia ina ia faafetaiai ai le alu i luga o le tau e faatupe ai.
O le masina o Fepuari o le tausaga nei lea na malilie ai le puleganuu e faia le siitaga ua aloaia i le asō.
Ae i pasese feoa’i, o lona uiga o lea siitaga e i le va o le $0.18sene ma le $1.60 i sone uma e 14 o loo tautua ai.
E lē o suia ai le ‘afa o le pasese e totogi e tagata e iai a latou Snapper electronic payment card i taimi e lē pisi poo off-peak hours.
O loo faatumauina lava foi pasese pa’ū mo tagata e iai Community Services Cards faapea fanau o loo i iunivesite.
Puna o Faamatalaga: http://Wellington bus, train and ferry fares to rise by 10% (1news.co.nz)
