O le siitia o le tau o le penisini mo vaalele ma isi auaunaga, o mafuaaga ia ua ta’ua e le kamupani vaalele ua mafua ai le siitaga i pasese. Fai mai le Ea Niu Sila o le taimi nei ua faaluaina le tau e utu ai le vaalele lava ia o le Dreamliner lea e fealua’i mai Aukilani i LA i Amerika pe a faatusa atu i le taimi faapenei i le 2020.
Ta’ua e le ofisa sili o le kamupani Greg Foran o isi foi tau ua agai foi i luga ma o lona uiga faaopopo atu iai ma le maualuga o le tulaga mana’omia ua iai nei le auaunaga tau vaalele, o i o le a vaaia ai le maualuga o le tau o pasese nai lo le tulaga e masani ona iai.
Fai mai Foran o loo taumafai lava i le mafai e gata ai ia tau tuuitiitia le tau o pasese ma o le taimi nei e silia ma le 100 afe pasese o loo iai pea i lalo o le ta’i 100 tala Niu Sila i faigamalaga i totonu lava o le atunuu mo le isi tolu masina o sosoo mai ae lē gata i lea o le a faaopoopo foi le isi 40 afe o nofoa i le vaiaso i faigamalaga faavaomalo pe a oo atu ia Iulai.
O le taimi nei e 19 vaega poo destinations o loo agai iai faigamalaga faavaomalo a le Ea Niu Sila ma o loo ta’ua i le One News e ono oo atu i le masina fou ua oo atu i le 27.
Vaofilifili & Le Soga
Aua ne’i galo sau lomiga ole Tusi ole Sōgā faatasi ai male lolomiga ole Vaofilifili. E maua ai Faalupega o
