A o tigaina ai Niu Sila ma lona tamaoaiga ona o le saua o Gabrielle, ua toe sii le official cash rate poo le OCR.
E 50 basis points ua toe alu ai nei i luga ma o lea ua iai nei i le 4.75%.
A o lei alu i luga i le pasene lea ua iai nei, ae lua siitaga sa vaavaai iai le komiti a le Monetary Policy Committee, pe o le 50 basis point poo le 75 basis point.
E ui foi o loo aafia le tamaoaiga ona o le afā sa iai nei, ae le o mafai ona iloa tonu i le taimi nei le telē o le aafiaga tau tupe, ma ua ta’ua i se manatu o le Kovana o le Reserve Bank (Faletupe e Gaosia Tupe) Adrian Orr, o se siitaga ua faia nei e faatonutonu ai le alu i luga o le inflation poo le alu i luga o le tau o oloa ma auaunaga ae sau ai lava i lalo ma le malosiaga o le tupe.
Na oo ai foi le saunoaga a le Kovana a o toe faatulai mai ai le komiuniti ona o mea ua faaleagaina e le afā, o loo fesoasoani ai foi lea i le inflation ma le taamiloga i totonu o le tamaoaiga.
Na ta’ua i lipoti, o lenei suiga e tusa ma le tolu vaiaso muamua atu na talanoaina ai lenei suiga, a o lei tulai mai faaletonu na aafia ai le atunuu faafuasei i mala faalenatura na aafia ai nei le atunuu.
Ua fai mai ai ma le faletupe e ono alu i luga tau o nisi o oloa ma auaunaga i vaiaso o lumanai.
