E lē tutusa le mamafa o le moa o loo lomia i le label ma le mamafa sao e tatau ona iai.

Ua maua e se tasi o tagata faatau a le supamaketi a le New World e lē o finagalo e faailoa lona suafa, o ia foi lea na ia toe toe fuaina le mamafa o le moa pe a oo i le fale ma ua uma foi ona ia faafesootaia le New World.

O le faleoloa i Papakura lea e masani ona faatau ai, ma i lana molimau i le Herald ua uma foi ona talanoa i le Bostock Brother lea e sapalaiina agai i le New World, ma ua iloa ai o le New World lava e pa’ū iai.

O le tamā ua ia toe faailoa e tusa ma le $200 i le vaiaso e faaalu i moa nei mai le New World, ma ua silia ma le tausaga o faia lea masani seia oo ai i nai masina talu ai na amata ai loa ona ia toe fuaina i le fale.

Na faia ai ma suesuega, ma i le tali mai a le Foodstuffs lea e onaina le New World, o lea na sese ona fua e le aufaigaluega ma ua faatoese ai.

Ua fai mai ai foi o le a galulue le supamaketi i Papakura e saili poo ai paaga faatau na aafia ma faafesootai.

Ae mai le tamā ua ia mauaina, pe lē faamata e faapea foi isi oloa fua a le supamaketi.

Puna o Faamatalaga: Underweight and overpriced: Customer warning after New World store gets chicken label wrong – NZ Herald