E lua trains sa aafia i se faalavelave i Sepania i le aso ananafi ma ua lipotia a itiiti mai pe to’a 20 tagata ua maliliu ai ma le silia i le 70 o loo manunu’a i le itu i Saute o Sepania.
Ua faamaonia i lipoti a le CNN i le asō e le minisita o le soifua mālōlōina mai lea faaitu e ono silia ma le 20 tagata maliliu aemaise foi i tagata ua faamanu’alia ai.
O lea faalavelave na tupu ina ua lavea se train na malaga ane mai Malaga i Madrid, see ese mai le auala o le train na ui ane ai ma kolosi i luga o le isi laina o loo alu ai le isi train mai Madrid foi ma aafia atu ai ma lea nofoaafi.
O le train na mua’i faaletonu pe ā ma le 300 le pasese sa iai i luga ae lē o ta’ua mai i le lipoti le aofa’i o le pasese i le isi train na aafia mulimuli ane.
O loo faaauau le su’esu’ega i le taimi nei i le māfua’aga tonu o le faalavelave a ua faaoo faamaisega a pulega o kamupani e ana trains ia i aiga o ē ua maliliu ma i latou foi o loo manunu’a tigāina i lea faalavelave.
Puna o Faamatalaga: https://edition.cnn.com/2026/01/18/europe/spain-trains-derail-adamuz-latam-intl
