E silia ma le 30 supamaketi a le New World o lea ua faasala lē tumau e lē mafai ona latou toe faatauina le ‘ava malosi i le South Island i totonu o aso e lua.
O lea faasalaga ua tuu mai iai e 48 itula o le a se’i ai o latou laisene e tusa ma le faai’uga a le Alcohol Regulation and Licensing Authority.
O se faai’uga ua faia ona o le soli e le New World o tulafono o loo faia ai faasalalauga faapisinisi tau i le ‘ava malosi online.
O le tele o supamaketi ua faasala nei o lea e amata faitau lea 48 itula e amata mai le aso 8 o Oketopa mai le ta o le fitu i le taeao.
I se tala mai leoleo, o se faai’uga talafeagai ma alagatatau ma o lea lava foi na muamua lapata’ia e le ofisa.
O le 32 o supamaketi ua faasala o se fuainumera tele lea pe a faatusa i le aofa’iga o faleoloa a le New World i le South Island e 40.
Puna o Faamatalaga: More than 30 New World supermarket liquor licences suspended after advertising breach – NZ Herald
