Ua faaauau pea ona siitia le taumafai a le aunetipolo a tamaitai mai Tonga le Tonga Tala lea foi ua toe manumalo i le taamilosaga o le Pacific Aus Sports Netball series sa faamae’a i le faaiuga o le vaiaso talu ai.
O le tulaga na maitauina o le faia’ina ai o le ‘au a Malawi i le la fetauiga i le final ae o Malawi o loo numera 6 i le faasologa o aunetipolo a le lalolagi.
E mae’a le taaloga 54 Tonga i le 41 a Malawi i se taaloga finau.
I le 2018 sa tulaga 42 ai Tonga i le lisi o aunetipolo i le lalolagi peitai ua faailoa i lipoti i le asō ua finau nei mo sona avanoa i aunetipolo e ono pito i luga i le lalolagi lea e finau faatasi ai ma ‘au mai Ausetalia, Niu Sila, Enelagi, Jamaica ma Aferika i Saute.
O le ‘au a Samoa le Tifaimoana na tulaga lima i le taamilosaga.
