E valu tausaga o faatupe e malo o Ausetalia ma Niu Sila le fesoasoani na totogi ai pili ma meaa’oga mo le a’oa’oina o fanau, ae o lea ua oo mai i le tausaga nei ua savali i le 6 tausaga o faatupe e le tatou malo lea fesoasoani e aunoa ma le toe aapa mai o Niu Sila ma Ausetalia sa amatamea i le fesoasoani.
O lea ua amata ona faamatuu atu i komiti a a’oga i le atunuu vaegatupe o le aofa’iga e 18 miliona tala o lea fesoasoani a le Malo.
O se fesoasoani ua autū i le faamalosia o le tulafono o le ave o fanau i le a’oga poo le compulsory education.
Le afioga Seu’ula Ioane le Minisita o A’oga ma Aganuu i se vaega o lana saunoaga i le amata ai ona faasafua atu i komiti o a’oga i le atunuu le fesoasoani tupe e 18 miliona tala.
