E ui i lona ausia o se tulaga maualuga i le taimi ua tuanai ma ia manumaloina ai le faailoga o le Dally M Medal i le taaloga lakapi liki, peitai o loo silafia lelei e Roger Tuivasa Sheck e lē o mautinoa sona tulaga i le NZ Warriors mo le ‘au o le a muai taaalo i le tausaga fou 2024.
O le tulaga lea ua lipotia e le Newshub i le asō ma ta’ua ai o Tuivasa Sheck ua 30 tausaga sa avea muamua ma kapeteni o le Warriors ma ua aofia i toleniga amata pre season trainings a le kalapu a o lei toe foi ane i lana kalapu i le tausaga fou i le mae’a o lona taimi i le lakapi iuni.
Ta’ua e Tuivasa Sheck i le faatalanoaga ma le Daily Telegraph o loo ia iloa lelei e tatau ona finau ia maua sona avanoa nai lo le agai sa’o ane i le numera 3 poo le 4.
Finagalo faaalia o nisi i talafou i le mataupu lea ua fetaui lelei le toe foi ane o Tuivasa ma le improvement poo le suiga lelei na iai le Warriors i le taamilosaga o lenei tausaga ma e lē taumate o le a malosi atili ai le Warriors i le taamilosaga o le 2024.
