Ua filifilia e le alii faiaoga o Steve Hansen le alii taalo o Israel Folau i le ‘au o le World XV lea o le a taaalo ma le ‘au a le Barbarians lea e faiaoga mai ai Eddie Jones.
Ua faamaonia i lipoti mai le One News i le asō le filifiliga lea ma o le faaiuga o le masina nei lea fetauiga i Twickenham ma o le uluai taimi lea o le a oo ai Jones i Twickenham talu ona agai ese mai ma Egelani ae o le uluai taimi foi ua toe foi ane ai Folau i se ‘au filifilia a le lalolagi lea e faiaoga ai Steve Hansen.
Ua filifili Folau e taalo mo Tonga ma ua ta’ua e faamoemoe e taalo ai i le Ipu o le lalolagi o loo loma.
O loo ta’ua o le ‘au lea a le World 15 o loo aofia ai ma le alii o Marika Koroibete, Semi Radradra ma Charles Piutau.
O le fetauiga lea ua fuafua mo le aso 28 o le masina nei.
