Ua faamata’u ane nei le au ave nofoaafi o le a faia sa latou solo tetee e 24 itula ma e lē taumate o le a afaina ai taaloga a le AFL i le masina fou.
O loo faaauau pea le mataupu lenei i totogi ma o le iuni e aofia ai tagata faigaluega mai nofoaafi, tram ma pasi RTBU ua o latou faailoa lea fuafuaga o le a faia i le aso 2 o Me.
O le failautusi o le iuni o Darren Philips ua faailoa sana faamatalaga o le striike ua fuafua e faamalosia ai le faaleleia o totogi o le aufaigaluega ma o loo iai le latou popolega mo nai tagata matamata i taaloga i le taimi lea ma o loo tele lava le taimi e amata atu i le asō e mafai ai ona soalaupule le mataupu a o lei oo i lea aso.
E 20 pasene le siitaga o loo faatagisia e le iuni e tatau ona siitia ai totogi i totonu o le 4 tausaga.
Fai mai le kamupani a le KDA lea e umia nofoaafi ma isi auaunaga ua lē fiafia i le fuafuaga ua faailoa atu e le Iuni ma o le a faaauau pea ona faatalanoa le mataupu.
E lē o ta’ua mai se faamatalaga a le faigamalo a le setete i lea mataupu.
Puna o Faamatalaga: https://www.abc.net.au/news/2024-04-19/train-drivers-threaten-24-hour-strike-during-afl-showdown/103743792
