O se ofisa sinia a Palesitina e masani i faiga maliega a le Hamas ma Isaraelu mo le taofia o vesiga, ua ia faailoa i le BBC, o sui mai Qatar ma Aikupito ua o latou faailoa ane se isi faiga fou e faamuta ai le taua i Gaza.

Na faailoa e lea tagata o loo aga’i sa’o lea faiga i le maua ai o se nofo filemu e i le va o le 5-7 tausaga le umi ma ia faasa’oloto uma ai pagota mai itu e lua o loo taofia pea i le taimi nei ma ia aga’i ese ai loa ma Isaraelu mai totonu o Gaza.

Fai mai e iai se sui sinia o le Hamas o le a aga’i atu i Cairo mo le faataunuuina o ia fetuuna’iga ae o le masina ua tuana’i na faaauau ai le osofa’ia pea e Isaraelu o Gaza ina ua faaletonu le maliega sa iai i le va o itu e lua i le taimi ua sola.

E lē o iai se faamatalaga o ta’ua a Isaraelu i le fuafuaga fou e pei ona faailoa ane e le sui lea mai Palesitina.

O le Aso Toonai talu ai na ta’ua ai e le Palemia o Isaraelu o Benjamin Netanyahu, e lē faaumaina le taua i Gaza se’i vaganā ua faaumatia le Hamas ma faasa’oloto ane i latou o loo ave faapagota.

Puna o Faamatalaga: https://www.bbc.com/news/articles/c62xnqlj11lo