O loo su’e e leoleo lē na faaoolima i le tina Hamilton e faaaogāina ai se samala.
Na sulu lea tina i se tasi o aiga i Frankton mo se fesoasoani ma o lea na ave e le ambulance i le falemai i se tulaga tigaina tele.
I se lipoti a leoleo o lea na oo atu le valaau i le ofisa pe tusa o le itula e 6 i le afiafi o le Aso Sa ma faasolo ai loa suesuega i le fale na tupu ai i le taeao ananafi.
O le tina ua aafia e masani ma lē na faaoolima ia te ia, e tusa ai ma faamaoniga mai leoleo.
Ua valaau mai ai leoleo i soo se tasi na pasia Norton Rd i le va o le itula e 5 ma le 7 i le afiafi o le Aso Sa ma na vaaia le tina mafatia lenei, ina ia fesootai atu mo nisi faamatalaga.
I Hamilton lava, o le amataga foi o le masina o Aperila lea na maua ai le isi foi tina ma ona manu’aga tuga i le auala, o se tasi na faaoolima iai se isi.
Puna o Faamatalaga: Hamilton woman badly beaten with hammer in Frankton: Police ask for information to find attacker – NZ Herald
