Ua silia ma le tausaga talu ona māgoto le vaa o le HMNZS Manawanui i ogasami o Samoa ae ua ta’ua i le lipoti a le RNZ i le asō e le’i iai lava se taui ua tuuina ia i latou sa aafia ai.
Ua ta’ua i le lipoti o faamatalaga o loo faailoa ai se taui mai le malo o Niu Sila aga’i i le malo o Samoa e 10 miliona tālā Samoa, e tusa lea poo le 6 miliona tālā Niu Sila, na faia ia Me o le tausaga nei.
Fai mai le RNZ i le mae’a o le 7 masina talu ona tuuina atu le taui tupe lea e lē o mailoa e tagata mai afio’aga na aafia le tulaga ua iai le seleni ma ua faailoa ai e se tasi matai o Tafitoala i le faatalanoaga ma le leitio faavaomalo a Niu Sila, o le tupe e tatau lava ona faasafua mo lo latou itumalo o Safata auā o latou na ave le latou talosaga i le malo.
O le finagalo o se tasi matai mai le afio’aga o Maninoa i Siumu na faatalanoa foi e le RNZ ua faailoa ai e talitonu o le faatuai e māfua i suiga i faigāmalo ma o loo galulue ai le malo i le faatinoina o lea fuafuaga.
Puna o Faamatalaga: https://www.rnz.co.nz/international/pacific-news/582263/samoan-villagers-still-waiting-for-compensation-more-than-a-year-after-manawanui-disaster
