Salamō lē na mafua ai ona tapunia le kolisi i Aukilani  

Ua lagona le salamō o lē na faia tala taufaamata’u na mafua ai ona tapunia le kolisi a Sacred Heart i Aukilani ananafi. 

O tala taufaamata’u nei na agiga i luga o le social media na fautuaina ai loa e leoleo le pulega e tapunia le aoga a o faagasolo suesuega. 
Na toe vave fesootai ai le aoga i mātua ananafi e toe piki mai fanau ua mae’a momoli atu mo le puipuiga. 

Na faamautinoa mai ai foi e le aoga o nei tala taufaamata’u e le’i taulai i tagata lautele, ma ona o suesuega a leoleo e le’i mafai ai ona soona tuuina mai se isi tala. 

I lipoti o lea na tele ina tutū solo taavale a leoleo i le tele o magaala i Glendowie e latalata i le kolisi ananafi a o faia ai suesuega a leoleo. 

E ese mai le kolisi a Sacred Heart, na maua foi e tala fou a o pisi ai leoleo i lea mataupu ae o lea foi na ave ai ma se tasi o tamaitiiti mai se tasi o kolisi i lea lava vaega o Aukilani ona o faiga taufaamata’u e fetaua’ina ai se agaese.