Na saisai mai e leoleo le to’a12 ma toso faamalosi mai taavale e tolu fesoota’i ma faatasiga a kegi i Nelson.
O le faatasiga lava i lenei ananafi na tuu atu ai foi ma pepa o faasalaga e silia ma le 180 ma o le laeiina o togiga a kegi i nofoaga faitele lea ua faasā nei le mafuaaga.
O nisi na toe maua ai o lea ua soli aiaiga o loo tatala ai i tua, a o isi o le tagofia o fualaau faasāina ma le avetaavale solitulafono.
O le faatasiga lenei a kegi na faato’ā faauma ananafi, ma o lea na fai mai ai ma le ofisa o leoleo o le a iai pea i lea nofoaga seia oo mai i le asō ina ia mautinoa le saogalemu tagata.
Mai tagata Nelson, o se fiafiaga le iai o leoleo i le faamoemoe mo le mautinoa o lo latou saogalemu.
Puna o Faamatalaga: Police arrest 12, impound three vehicles at Nelson gang gathering
