Ua faaopoopo tagata Niu Sila ma Spain e mafai ona femalagaa’i ma galulue i le va o atunuu e lua i le mae’a ai o fonotaga a le Palemia Jacinda Ardern ma le Peresetene o Spain Pedro Sanchez, ua sainia ai le maliega e sii i le 2000 avanoa mai le 200 tagata e mafai ona feoa’i i le va o atunuu e lua i lalo o visa ua ta’ua o working holiday visa.
Mai ia Ardern o le siitia o avanoa e agavaa ai mo visa nei o se ata lea o le malosi o faigafaapaaga i le va o Niu Sila ma Spain.
Ese mai i visa na maua foi le avanoa o le Palemia o Niu Sila e faasoa ai ma Sanchez i sootaga o fefaataua’iga ma Niu Sila, o le taua i Ukraine faapea ai ma mataupu tau lotoifale o le Pasefika.
A o iai le Palemia i Madrid, o le po anapo na auai ai i le fonotaga a NATO.
