E le’i maua e leoleo le tagata sa fanaina se isi alii i le taeao po o le Aso Lua i Sini. O leoleo a Niu Sa Uelese na o latou ta’ua, o lē na aafia o se tasi foi o le au tietie pasika na aafia lona vae i le faalavelave lea i Bligh Park ma na mafai lava ona ia aveina le taavale i le falema’i ia togafitia ai o ia.  

Na togafitia le tagata lea i le falema’i ae talitonuina o le alii lea sa aofia foi i se faalavelave i le 18 masina talu ai i se faalavelave e tali tutusa lava foi.  

Na maua foi se taavale ua susunu i se vaega e lata ane i le mea na tupu ai le faalavelave ma e molimau i latou e aumau i lea faaitu i le faate’ia i le tulaga lea. 

O loo ta’ua i le lipoti o le tausaga na te’a nei na tafanaina ai foi se taavale na agai atu ai le tagata lava lea i Riverstone lea na lavea ai ma le ave taxi. O loo faia pea nei su’esu’ega.