E oo atu I le 6 afe tagata o I latou na malaga mai mai Niu Sau Uelese, Ausetalia o loo sailia nei e contact tracers a Niu Sila ina ia faia siaki poo aafia I le faamai. O le aofai lea o tagata na taunuu mai i Niu Sila nei mai Niu Sau Uelese I totonu o le ono aso talu ai, ina ua maea faalauiloa mai nisi cases fou ua aliae mai I Sini.
Faailoa ise saunoaga a le minisita o le koviti 19 Chris Hipkins o lea ua taofia nei mo le 48 itula le trans tasman bubble seia faatino gaioiga manaomia aua le puipuia o le atunuu. O loo ua faamamalu foi nisi o sa I NIu Sau Uelese mo le 3 aso ma faailoa ai nisi o nofoaga na afea e I laua ua aafia.
Ole faamatalaga a le minisita o lea ua faatulaga faatonuga e tusa ma lea fuafuaga ma e manaomia ai tagata malaga mai nofoaga o loo masalomia ina ia faanofoesea ma faia siaki ma o le order lea ua faatulaga o le tulafono foi lea I Niu Sila.
Fai mai le minisita ile lipoti ale televise tasi e itiiti se lamatiaga o iai I le taimi nei mo le atunuu ae tatau lava ona faatino pea le galuega o le sailia o I latou ia ma faia siaki mo le faamautinoaina o loo saogalemu.
E nao le toatasi le tagata ua lipotia mai I le aso ua aafia I le koviti I nofoaga faanofoesea ae leai se tasi mai le komiuniti.
