Ua saili mai i Samoa e le auaunaga o le Mapu Maia i totonu o Niu Sila ni faamatalaga mai tautua faalesoifua maloloina i le vaega o gasegase o le mafaufau, faapea auaunaga e fesootai ma faafitauli o le tagofia o le avamalosi ma fualaau faasāina, atoa ai ma faafitauli e mafua mai i le naunau i taaloga faitupe, i le faamoemoe e fesoasoani atili i le faatinoga o le latou tautua, mo tagata Samoa ma isi atumotu o le Pasefika o loo aumau ma nonofo i Aotearoa.
Na faailoa lea faamoemoe o le malaga mai o le tamaitai Ofisa Sili o le Mapu Maia ma nisi o le aufaigaluega, ina ua afea e le aumalaga le nofoaga o loo tausia ai fanau, o tina ma tamaitai ua sauaina lea o loo vaaia e le Toomaga mo ē Puapuagatia.
Le sui o le Mapu Maia le afioga Leaupepe Anthony Leaupepe. O le afea e le aumalaga o le nofoaga o le Campus of Hope na latou faia ai se foai tupe ma nisi o meaalofa mo le faaaogaina i totonu o le nofoaga.
