Masalo ua vaaia e nisi malu o le malo i Totara Park i le asō e le masani ai, ae ua mafua lea tulaga ona o le suesuega o loo faagasolo nei i se faalavelave na tupu poo le 11 i le taeao analeila.
Fai mai leoleo o loo sailia nei le tagata na osofaia se tasi tagata i le Totara Park ma ua iai vaega o le nofoaga ua faapitoa iai suesuega a leoleo.
Fai mai o le a faatalanoa lē na aafia e tau faamautu ai le mea na tupu ae poo ai foi na faatinoina lea gaioiga.
Na saunoa foi le pule o le Auckland Botanical Gardens, Jack Hobbs i le One News e faapea sa faatonuina i latou e agai ese ma le paka i le taimi lea o le taeao ma lipotia foi le logoina o matua o tamaiti i le aoga amata o loo lata ane e faailoa iai o loo loka le aoga i le taimi lea e pei ona faatonuina e leoleo.
O loo faatalia se lipoti lata mai o lea faalavelave.
