E toaono alii ua pue e leoleo i le faalavelave na lipotia atu muamua na fai ai se vevesi tele i le taulaga faatau i Sini.
O le vevesi na tupu i maketi sa faia i le ogatotonu o Sini i le Aso Lulu o le vaiaso talu ai na valaau ane ai leoleo, e toalua alii e 19 ma le 21 tausaga na pue ai i le aso lava lea ma molia.
Ua fuafua e tutulai i le faamasinoga i le aso 12 o Iulai ae i le mae’a o suesuega a leoleo na faia ai loa ma a latou suesuega i nisi fale e fā i North Paramatta, Auburn, Dundas Valley ma South Granville.
O le isi toatolu e 33, 30 ma le 24 tausaga na pueina e leoleo i se fale i Paramatta ma maua foi iai ma fana ma le 30 afe o le tupe.
O le isi na pue mai le fale i Auburn na maua foi iai se vaegatupe e 13 afe ma le isi e 26 tausaga na pue mulimuli ane ma o loo faaauau pea le suesuega a leoleo.
