Ua iai le tagata ua pu’eina e leoleo e faatatau i le faalavelave na lipotia atu ananafi i Western Sydney na uma ai le soifua o se tasi tagata.
E 27 tausaga o si tagata ua maliu fai mai na toso atu pe ā ma le 100 mita e le pikiapu le ute e pei ona lipotia i Blackett i le te’a o le 8 i le taeao, na taumafai paramedics e laveai peitai na maliu ai lava i lea nofoaga.
O le faalavelave lea na sailia ai e leoleo le avetaavale o le pikiapu lea sa sola ese mai ina ua uma ona tupu le faalavelave.
Fai mai le 9News na agai ane se alii e 39 tausaga i le ofisa o leoleo i Mt Druitt ma faailoa iai lona tagata ma pu’e ai loa e leoleo.
O loo iai ata a le CCTV o loo maua lelei ai le taimi na tupu ai le faalavelave ma o loo faaauau suesuega.
Puna o Faamatalaga: https://www.9news.com.au/national/blackett-road-rage-man-arrested-over-deadly-100-metre-drag-by-ute/a43ad30a-c90e-4479-800a-b0bd4d6b8ff4
