O le taeao nei lea ua valaau ai le fono a le aufaigaluega a le NZ Herald ma le Newstalk ZB, ma ua iai le popolega i le ono vāea o le aufaigaluega.
O le imeli na maua e le aufaigaluega o loo ta’ua ai o le ‘afa o le 9 i le taeao nei e faia ai le fono i Aukilani faapea ai ma luga o le Zoom, ma a mae’a ona faia lea o fono laiti.
I se lipoti a le leitio faavaomalo a Niu Sila e faapea o le fonotaga ua talo i le taeao nei e faamanino mai ai suiga o loo fuafua mo le au faasalalau ma aafiaga i tagata galulue.
O se fonotaga ua faia i le uma ai o le tasi le masina talu ona faasalalau mai e le NZME o le a faamuta nusipepa mo le komiuniti e 14, ma aafia ai le tusa ma le 30 avanoa faigaluega.
I faamaumauga e tusa ma le 300 le aufaigaluega o loo faafaigaluega nei i galuega faatusitala i le Herald, BusinessDesk ma le Newstalk ZB.
Puna o Faamatalaga: Ahead of a meeting, NZ Herald and Newstalk ZB staff fear job losses | RNZ News
