O loo iai se popolega e faatatau i se petition o loo i luga o le upega tafailagi a le Palemene ua valaau ai mo le aveesea o tagata Mosalemi mai Niu Sila.
Na lipotia e le Newshub o lea petition e itiiti ane i le 150 tagata o loo saini ai ae o loo fesiligia e Mosalemi Niu Sila pe na faapefea ona faataga lea ituaiga petition i luga o le upega tafailagi.
Fai mai sui o lea komiuniti i NIu Sila nei o le mafuaaga lea ua fefefe ai nisi o o latou tagata aemaise na faapea e lē tupu lea tulaga i se atunuu e pei o Niu Sila.
Fai mai a latou o ituaiga petition faapea e faaosofia ai le ita.
O popolega ua alia’e ona ua tulalata foi le faamanatuina o le 5 ai lenei o tausaga talu ona tupu le faalavelave tele i Kalaiesetete na tafana ai e se tasi alii le toa 51 o tagata Mosalemi i se tasi o fale tatalo i Kalaiesetete.
