O loo iai popolega o le Matagaluega o le Soifua Maloloina i le atunuu i malaga o le va lea o Amerika Samoa ma puipuiga o le faama’i Koviti19 i le mafuaaga lea o le faanofoesea ai o tagata uma e afea Apia i malaga mai Tutuila ma Manu’a.
O le vaiaso na te’a nei na faailoa ai lea suiga i le faanofoesea ai o tagata na malaga atu i le Teritori mo le umi e 14 aso poo le ono oo atu foi i le 21 aso.
Taua e le Faatonu Sili o le Soifua Maloloina Leausa Dr. Take Naseri “O le va o tatou ma Tutuila, a omai Tutuila i le amataga lava ina ua toafilemu i tatou sa omai a ma o i tua, e amata le mea lea e le’i faia le quarantine 3 lea i le alu i Niu Sila ae a oatu tatou e ta’i 3-5 aso. E oo mai a i le tausaga nei o loo faia lava le mea lea o le oatu ua tasi le aso, o isi taimi ua 3. Lea na tatou taofia lea ina ua maua foi a latou cases, ou te iloa ua ua silia ma le 50 cases a Tutuila i le taimi nei. A’o luga atu o lena lea e iai leisi faama’i lea e pepesi i tamaiti lea e ta’u o le RSV, pesiagofie i tamaiti lea la sa matou talanoa ai foi o Amerika Samoa ua uma ona tui le tele o latou tamaiti, out e ilao foi ua amata tui tamaiti mai le 5-11 tausaga le matutua , ae o le toatele o le 12-18 ua maea, o tatou lea e tau faaopo le 12-18 o lea e le’i amataina o loo faatali le fesoasoani a Niu Sila.”
Taua foi e Leausa “Na matou fetuunai lea e fai lava si popole i tulaga ia ona o la ua le’o toe taua e Tutuila latou flights o ni repatriation flights ua more commercial flights, na la e omai i isi taimi ua 10 aso o isi taimi ua 7 aso o isi taimi ua 14 aso, lea la na matou vaai i le laotu flight mulimuli lea na taunuu mai i le Aso 27 lea ua silia ma le 50 o latou cases ua iai a ma latou local contacts ua alia’e mai, o lea la tatou te popole iai. O le ala lea ua toe fai ai le tatou tapu poo le aiaiga lea a toe foi mai e mafai a ona nofo vaavaaia sei mautinoa lelei ona o lea i aiga.”
