Ua polomisi mai le KiwiRail i tagata Aukilani o le a faaleleia taimi o faigamalaga a trains.
O se polomisi ua sau ai a o faasolo pea galuega e faamae’a le poloketi tele a le Auckland Rail Rebuild e $550 miliona poo le City Rail Link 3.4km i le va o Britomart ma Mt Eden.
O le poloketi foi lenei na faamatuu mai ai e le malo le $159 miliona i le KiwiRail e faauma ai a o fuafua ai e tatala i le 2026.
I le vaai mamao ua fai mai ai ma le Auckland Transport o le tatala o auala train fou lenei o le a faaitiitia ai ma taimi o faigamalaga a trains i Aukilani.
O le polomisi ua aumai e faapea o le a suia mai le umi e 5 ma le ‘afa minute o loo faatuai ai malaga a trains i le laina i Sisifo, 30 sekone e faaitiitia ai le tuai i le laina i Saute ae minute ma le 20 sekone laina i Sasae.
I tua atu o pulega nei, o lea foi o loo saofafa’i mai ai i tua le pulenuu o Aukilani, Wayne Brown ma le minisita o fela’ua’iga Simeon Brown i le taumafaiga ia faatumau le faatuatuaga o tagata Aukilani i auaunaga nei.
Puna o Faamatalaga: City Rail Link: KiwiRail promises to cut Auckland train delays in time for 2026 opening – NZ Herald
