Ua amata lava foi lenei tausaga i le pisi o le Surf Life Saving e lavea’i ai tagata mai le vai.
E to’a 16 tagata o lea na lavea’i mai e le aufaigaluega i le aso muamua o lenei tausaga, ma o loo tutusa lelei ma le tausaga talu ai.
Ae i le aso o le Kerisimasi ma le Boxing Day e 11 i latou na lavea’ina mai, e ese ai le 31,000 tagata na lapata’i.
Fai mai le Water Safety i tala a le 1News, o le to’atele o tagata e faia lava faai’uga e lamatia ai i taimi lenei o le tausaga.
Ua toe sau ai le talosaga mai le pule sili o le Surf Life Saving i tagata uma o loo aga’i i le sami mo tā’elega ina ia utagia faailoilo ma fu’a o loo i le matāfaga auā le saogalemu o tagata uma.
Puna o Faamatalaga: Sixteen water rescues on New Year’s Day — most dangerous month begins
