O le Peresetene o Peru, Dina Boluarte ua valaau nei mo le faia o faigapalota a lona atunuu i le aso 12 o Aperila, fai mai a ia e faamoemoe o le a faamuta ai foi ma le tulaga lē mautonu o iai lona atunuu e pei foi ona sau ai mai tausaga e le’i mamao atu.
Fai mai Dina e faamoemoe mo se lelei o Peru pe a faataunuuina lenei faigapalota ma mafai ai e tagata sitiseni ona faatino la latou aiātatau poo ai e palota iai ae lē gata i lea o le a faamuta ai foi ma le piliota o tulaga lē mautonu ua oo ai lava ina atoa le ono o ona Peresetene i totonu o nai tausaga ua te’a atu.
O le faifaitetele o vevesi ma nisi ua maliliu ona o feeseesea’iga i totonu o le atunuu ua manatu ai le to’atele ua talafeagai loa ona faatino le palota.
O le 2022 na tula’i mai ai Dina i le tofi Peresetene ma o ia le ulua’i tamaitai ua tula’i mai i lea tofiga talu ona pu’eina le ta’ita’i sa iai i lona taumafai e suia le totino e feagai ma tulafono a le atunuu ae tau faatū sana lava faigamalo.
Puna o Faamatalaga: https://edition.cnn.com/2025/03/25/americas/peru-boluarte-general-elections-security-crisis-instability-latam-intl/index.html
