Ua lipotia sa faailoa e le Palemia o Peretania o Kier Starmer i luga o le telefoni i le Peresetene o Amerika, Donald Trump, e sesē pe afai na te apalai tariffs poo lafoga faaopoopo i ana paaga ona o loo tetee i le fuafuaga a Amerika e ave faamalosia ai Greenland.
O le ulua’i taimi lea ua talanoa ai le to’alua lea talu ona mae’a faailoa e Trump o le a ia tuuina levies e ta’i 10 pasene i luga o oloa e auina atu i lona atunuu mai atunuu e 8 o Europa lea ua faailoa lo latou lagolago ia Greenland.
E tumau pea le finagalo o Starmer le Palemia o Peretania, e tatau lava ona filifili e Greenland lona ia lava lumana’i ma ona tagata, aemaise Denmark lea o loo mautū foi lana finau o Greenland o se tasi o ona teritori.
Puna o Faamatalaga: https://www.bbc.com/news/articles/cwyn90l1dneo
