O loo faaauau pea ona faatupulaia masaloga o i latou e fiafia i le taaloga o le lakapi pe moni o le a toe foi le alii o Roger Tuivasa Sheck i le lakapi liki i lana kalapu sa iai muamua le Sydney Roosters.
O lipoti a le stuff.co.nz i le asō ua faailoa ai foi nisi o finagalo i le mataupu lea aemaise o le agavaa ma le taleni i lea foi alo o le atunuu sa faamanuiaina i le faailoga o le Dally M Medal i le 2018 a o iai i le NZ Warriors.
O se tasi foi tagata iloga a Ausetalia i le lakapi liki o Brian Fletcher na ia ta’ua i le lipoti lea o loo tatā mai tigipalau mo le toe foi atu o Tuivasa i lana kalapu tuai lea ma ua ia faalogo foi i tala o le a toe foi atu Tuivasa i le Roosters.
E le o ta’ua i le lipoti se finagalo faaalia o RTS e pei foi ona faaigoa ai le alii taalo ae o loo faatalia pea se faamaoniga o nai lipoti ia o loo faalogoina pea i le siomaga o taaloga lakapi.
O isi foi tama taaalo muamua sa taumafai foi i le lakapi 15 ma toe foi i le liki e aofia ai Wendell Sailor, Lote Tuqiri, Mat Rogers ma Sam Burgess.
