E tulaga ese foi le mafuaaga o le maliu o se tasi alii i le itu i Matu o Niu Sa Uelese i le vaiaso nei lava ua lipotia ai e le 9News na pa’ū ese mai se taavale o le ituaiga o le Mercedes i le afiafi ananafi i le Pacific Motorway i le itu i Saute o Tweed Valley Way poo le ‘afa o le 6 i le afiafi.
Fai mai pe 20 tausaga le matua ma o se pasese i le taavale lea, na pa’ū ese agai i le auala ae lavea ai i le isi taavale na ui tonu atu i le vaega lea o le auala, na taumafai nisi sa iai e fesoasoani peitai na maliu ai lava lea alii talavou.
O le avetaavale o le Mercedes e 27 tausaga na faia iai suesuega ma e foliga mai e faasuāavā.
Na pue ai e leoleo ma ave i le falemai e faia suesuega, tuu iai ma le faasalaga mo le avetaavale onā.
O loo faaauau le suesuega i lenei faalavelave.
Puna o Faamatalaga: https://www.9news.com.au/national/man-dies-after-falling-from-mercedes-northern-nsw/06304445-1aa2-4fb6-a279-bd76d59e7328
