O loo iai i se tulaga tigāina se alii mai Sini fai mai lipoti na pa’ū ane mai le fogafale 3 o se fale i Wollongong.

Na faailoa e le 7News o le tagata lea na pa’ū sa taumafai e alu ane i lalo i le pito o le fale sa iai i Wollongong ina ua taunuu atu leoleo i lea nofoaga.

E 50 tausaga le matua ma o loo ta’ua i le lipoti sa taunuu atu leoleo ma tu’itu’i i le faitoto’a o le fale sa iai ae alu ane ai lea tagata ma taumafai e alu ifo i lalo i le pito o le fale ae ua ta’ua o se su’esu’ega na ala ai ona aga’i atu leoleo i lea faaitu.

O lona ulu ma le tua na aafia ma ua iai nei i le falema’i o St George i se tulaga tigāina.

O loo faagasolo le su’esu’ega a leoleo i lenei mataupu ae lē o ta’ua poo le ā tonu le mafua’aga o le aga’i atu o leoleo i lea nofoaga.

Puna o Faamatalaga: https://7news.com.au/news/man-suffers-serious-head-spinal-injuries-in-fall-from-three-storey-unit-building-in-wollongong-nsw-c-17125424