O loo matua’i paso Korea i Saute e tau faavasega le mafuaaga o le faalavelave mata’utia ua lavea ai le vaalele ma maliliu ai le to’a 179 tagata.
O le faalavelave lenei i le Aso Sa ua matua’i iloga ona lūlūina ai le filemu o Korea i Saute ma ua faatonuina uma itutino o auaunaga a le malo ia su’esu’eina, ae lē gata i lea o le toe iloilo o le system o loo faatautaia ai feoa’iga a vaalele.
O le vaalele a le Boeing 737-800 lenei o loo lele i lalo o le avefu’a taugofie a Korea i Saute le Jeju Air ma o lea na se ese ma le auala o vaalele, faasasa’o i le pa sima mulimuli ai mu, ma e mai le to’a 181 o tagata sa i luga o le vaalele e na o le to’alua lea na faasaoina mai ai.
E oo mai i le po anapo e 141 tino ua faamaonia ma o lea ua maua, ae o isi uma o loo su’esu’eina pea.
E tele fesili ua toe alia’e mai a o faasolo ai pea su’esu’ega ma o lea ua faatonuina foi e le faigamalo le faia o su’esu’ega i vaalele uma a le Boeing 737 o loo faaaogā e kampani vaalele.
Puna o Faamatalaga: S Korea struggles to determine cause of plane crash that killed 179
