O suiga tetele i tulafono i fale faigaluega o le a maua ai le avanoa ma le malosiaga o tagata faigaluega e fetuunai ai tulaga i o latou totogi, ua pasia nei lona vaega muamua i le Palemene a le Feterale.
Faalogoina leo o le fiafia mai sui o iuni ma tagata faigaluega i childcare centres ina ua pasia le Secure jobs better Pay bill i le lower House i palota e 80 i le 56.
E lei pasia le Fairwork Legislation Amendment i le Senate ae o loo fiafia pea le Leipa i le iuga o lea finauga muamua.
O le minisita o sootaga tau galuega Tony Burke na ia faailoa i fafo ane o le Palemene ananafi, o le aso lenei o se tasi o aso tāua ma ua leva ona faatalitalia lenei iuga.
Fai mai le Leipa o le tulafono lea o le a sii ai totogi e ala i le tuuina o le malosiaga i tagata faigaluega e feutagai ai mo se siitaga i o latou pei.
