O le Maliega a le Pasefika e faatatau i sootaga vāvālalata i mataupu tau le tamāo’aiga le Pacer Plus Agreement o le a toe faafou mo leisi lima tausaga.
Lipotia e le leitio faavaomalo a Niu Sila, ua faia lea faaiuga i le mae’a o le fonotaga sa faia a Minisita i le atu Solomona i le faaiuga o le vaiaso talu ai.
O le maliega lea ua atoa ai foi i le tausaga nei le lima tausaga e faamautū ai o latou sui e to’a sefulu (10) ina ia faaitiitia lafoga faaopoopo totogi i luga o oloa auina atu i totonu o le atunuu poo tariffs, faia tapula’a i tulaga tau fefaatauaiga mo le isi 20 tausaga ma ia faamautū o loo lelei le tulaga o inivesi mai ia Ausetalia ma NIu Sila.
Ua faailoa ua toe faaopoopo atu e NIu sila ma Ausetalia leisi 20 miliona tala amerika i le maliega matele lava mo le lagolago i inivesi mai fafo i gaioiga faapisinisi.
E manatu le sui o Niu Sila i le fonotaga lea le Minisita o mataupu tau tupe ,Scott Simpson o se mea lelei tele lea ua faia.
E le o aofia atunuu e pei o Papua Niu Kini ma Fiti i le maliega.
Puna o Faamatalaga: https://www.rnz.co.nz/international/pacific-news/581167/pacific-trade-pact-pacer-plus-extended-for-five-more-years
