O loo iai lipoti ua ta’ua ai le māta’itū e le vaaitau o se afā ua amata vaaia i le itu i Mātū i Sasa’e o Vanuatu i le Vasa Pasefika ma e ono foliga o le afā muamua lea o lenei tausaga.
O le ofisa o le vaaitau i Fiti na o latou faailoa lea lipoti ma le faamatalaga e ui i lea ae o loo faaauau pea ona māta’itū ma talotalo ia faaitiitia le malosi.
Fai mai e lua foi isi vaega vaivai o uiga o le tau o loo māta’itū e le ofisa e lata i le motu o Niue ma le Atu Kuki.
E oo atu i le 9 afā o loo feta’ua’ina e le vaaitau e ono aafia ai le itu i Saute i Sisifo o le Pasefika i le vaitau lenei o afā lea e amata mai ia Novema se’ia oo ia Aperila.
Puna o Faamatalaga: https://www.rnz.co.nz/international/pacific-news/585197/cyclone-watch-forecasters-monitor-tropical-disturbance-near-vanuatu
