E faate’ia le to’atele i se lipoti i le aso ananafi i se faalavelave na tulai mai i Melepone e faapea ua ofofa’ia ai se tina matua pe ā ma le 80 tausaga, o loo feta’uaina mai na osofa’ia e se tasi le taavale a le tina lea a o iai i totonu ma faafefe i se auupega fai mai o se tui se’i tulou.  

O le faalavelave ua faamatuu mai nei ona faamatalaga ae na tupu i le amataga o le masina i St Kilda i Melepone.  

Fai mai na agai ane si tina o le a ulufale i lana aavale ae tatala mai e le tagata le  faitoto’a a le pasese ma oso i totonu. Ua ta’ua o se tamaitai ma sa  ia faafefe loa si tina matua lea ma toso lona ulu tulou ma tauanau e tuu ane se  tupe. 

Na  mulimuli faatonu e le tamaitai lea si tina matua e ave le taavale i le malaevaalele peitai na ave e le tina matua i se isi magaala o Carlisle St i le pitonuu lava lea, agai i fafo lea tamaitai ae  alu sa’o loa le tina matua i leoleo.  

E oo mai i le taimi nei e le’i maua le tamaitai lea ma ua talosagaina ai e leoleo le fesoasoani a le atunuu.