E ono faasolo ina mautinoa o le ulua’i afā lea o le a aafia ai Ausetalia i le vaitau lenei o afā pe a faaauau pea ona maua le malosi o se vaega o uiga loulouā o le tau o loo alia’e i le itu i Matu i Sisifo o Ausetalia.

Fai mai le vaaitau pe ā ma le 450km i gataifale o Cocos Island o se teritori o Ausetalia lea o loo faasolo ane iai ia uiga vaivai o le tau ma afai ae faaauau pea ona faaopoopo lona malosi e ono oo atu taeao ua ta’ua o se afā.

O le vaitau o afā i Ausetalia e amata i le masina lenei o Novema se’ia oo i le faai’uga o Aperila i tausaga ta’itasi ma e masani ona faamauina e le vaaitau le 9-11 o afā i le piliota o afā i tausaga ta’itasi.

Ua faailoa foi e le vaaitau afai ae oo atu taeao ua ta’ua o se afā o loo mata’itūina o lona uiga o le a faaigoa lea afā o Robyn, o le ulua’i afā faamauina lea o le 2024-2025.

Ua faailoa foi e leai se aafiaga i le tele o vaega o Ausetalia ae lē taumate o le a iai vaega e aafia i faititili ma timuga i aso o totoe o lenei vaiaso.

Puna o Faamatalaga: https://www.9news.com.au/national/australia-weather-first-tropical-cyclone-of-season-could-form-this-week/ae4821aa-80d4-42d4-bbbe-648fa6050f94