O se lipoti mai leoleo i le aoauli nei, o loo lipotia ai se faalavelave ogaoga tau taavale na tula’i mai i le State Highway 2 e latalata i Mangatāwhiri i le itu i Saute o Aukilani, ma sa tapunia ai foi le auala i lena faaitu.
O le te’a o le 11 i le taeao analeila na alu ane ai le valaau i leoleo i ni taavale se lua o loo lavevea i le State Highway 2.
Ta’ua e se sooupu a le Hato Hone St John, e lua ni taavale ambulance, se helikopa ma se isi taavale a leoleo na faavave atu i le itu na tupu ai le faalavelave, ma e to’atasi se tagata na avatu e le ambulance i le falema’i i Middlemore i ni manu’aga e lē o matuā matuiā tele.
I se lipoti lata mai o lenei faalavelave ua ta’ua ai e to’atasi ua maliu ai, o le avetaavale o le taavale la’itiiti, ae e manu’a mitimiti le avetaavale o le loli ae sa avatu foi i le falema’i.
Puna o Faamatalaga: https://www.nzherald.co.nz/waikato-news/news/serious-crash-closes-state-highway-2-near-mangatawhiri-in-both-directions/ZDW2JGQP5BBJNCZ4QCVVTWE7J4/
