O pisinisi na matuai aafia i le afā o Gabrielle ma isi aafiaga ogaoga o le tau i le amataga o le tausaga nei, o le a agavaa i ni nonogatupe e laiti interest rates e pei ona faailoa e le faigamalo i le aso ananafi.
Ua faaigoaina o le North Island Weather Events Loan Guarantee Scheme o le a faaaoga e saunia atu ai se faamāmā avega i pisinisi na aafia ma o le a faataga ai nonogatupe e oo atu i le tai lima tausaga e totogi ai ma malilie iai le pisinisi ma a latou faletupe.
Ua faailoa e le Newshub e oo atu i le 10 miliona se vaegatupe mai lea faiga.
Ua saunoa foi le minisita o tupe, Grant Robertson i se pepa o faamatalaga, o pisinisi na matuai aafia i uiga louloua o le tau.
E amata ona agavaa mo le faia o nonogatupe mai le scheme lea i le aso muamua o Iulai seia oo i le aso 30 o Iuni 2024.
