O augatupulaga o nei aso ma le autalavou o Samoa o loo tutupu ma ola a’e i le taimi nei, faapea tupulaga o le lumanai e lei fananau mai, o le taula’iga lea o fuafuaga ma tapenaga uma a le Malo, e pei ona ave ai le faatāua a le vaega o faigafaiva i le matagaluega o faatoaga, e una’ia le faatāua o le fuafua tatau o le fagotaina o i’a ma figota.

I le saunoaga a le Minisita o lea matagaluega i le a’oa’oga e faatāua ai le fua faatatau o i’a ma figota e fagotaina na manino ai le ave o le faatāua i le a’oa’oina o o tatou tagata, i le atina’e o le gataifale ma iloa faaaogā fuafua ina ia mautinoa le maua pea o le tamaoaiga mai le sami e lē gata e faateleina ai pea taumafa, ae o le maua ai o tupe mo le tamaoaiga o tagata. 

Le Minisita o Faatoaga ma Faigafaiva, Susuga Laauli Leuatea Polataivao Fosi Schmidt.