O tagata Pasefika le afa o cases faamaonia o le Omicron o loo iai nei
O le faamaoniga lea mai le matagaluega a le soifua maloloina ma e faapea o le Aso Gafua faasolo mai ananafi lea na faamauina ai le alu I luga o tagata Pasefika faamaonia I le vairusi fou
E tusa ma le 50% o cases faamaonia ua maua nei o le Omicron o tagata Pasefika, ma o le toatele lava o tagata Aukilani
Ua toe sau ai ma le augani a le matagaluega I le komiuniti Pasefika e agai mo tui o le booster ina ia puipuia ai mai le Omicron
O tagata Pasefika e maualuga tele le lamatia mai le faamai ona o le tele o mai tumau ma isi aafiaga tau le soifua maloloina e aafia ai
O tagata Pasefika o lea ua 97% tagata ua uma tui muamua, 95% tagata ua uma tui lona lua ma o le toatele ua agavaa mo le tui o le booster peitai e na o le 48% ua uma ona faia boosters
O le maitau a le matagaluega, o le toatele o tagata Pasefika ua faavaivai mai le agai I siaki aemaise o le umi ona iai I tapu o le Delta ma o nisi ua le fia o e faia siaki ona o le mumusu e faanofoesea, peitai o le a faigata ai ona iloa le mamao ua oo iai aafiaga o le Omicron
