Ua faailoa e le Minisita o Faamasinoga afai ae iloa ane o loo solia e le sā ua tuuina nei i le faia o gang patches poo faailo o kegi, le Bill of Rights, o le a lē taofia ai le malo mai le faamalosia o lea tulaga.
O loo fesiligia e nisi le tulaga faaletulafono o le sā ua tuuina nei i faailo o kegi ma ua ta’ua i tusitusiga i le asō o loo fuafua le malo ia mae’a ane le tausaga ua iai sā ia o faailo o kegi i nofoaga faitele uma.
Fai mai le minisita o leoleo Mark Mitchell e lẽ o lagona e tagata le saogalemu i o latou fale, afioaga ma nofoaga faitele ma ua fai si umi o faataga pea kegi e fai a latou amioga e pei o latou ua i luga atu o le tulafono.
Fai mai le minisita e lē faatagaina ia ituaiga amioga ma o tulafono fou la ua lagolago ai leoleo ia faia iai ni a latou gaioiga i ia ituaiga amioga.
