Ua faailoa e le alii seila Samoa ua tapena atu nei mo le Olimipeka o lenei tausaga, o le faatupula’ia o le lagolago ma le a’oa’oina i le saogalemu i luga o le sami ma le vai, e tāua tele lea e faaleleia ai le auai o Samoa i alogavaa i le Pasefika.
O Eroni Leilua e pei ona lipotia e le RNZ ua sauni e fai ma sui o Samoa i le Olimipeka o le tausaga nei i le vaega o alogavaa.
O le faalua ai lea ona tausinio i Olimipeka, ma na ia faailoa i le lipoti o ia sa soifua ane i Niu Sila peitai sa tuputupu a’e lava i Samoa ma o le 8 o ona tausaga na amata fiafia ai i le taaloga.
Fai mai Leilua e manaomia le a’oa’oina o tagata i le taaloga ina ia lototele ai a o i luga o le sami ona o se tasi lea o itu e afua ai ona tau lē toatele nisi e fai ma sui o Samoa i ia taaloga.
O loo iai lona naunauta’iga e amata se polokalame i Samoa e silasila ai i vaega ia mo le faaleleia atili o lea taaloga.
Puna o Faamatalaga: https://www.rnz.co.nz/international/pacific-news/521587/nz-born-samoan-olympian-says-understanding-of-sailing-key-to-better-representation
