E 6.2 pasene o le tau o pasese o iai nei lea o le a sili ai le tupe e totogi e le tagata e faimalaga ai i auala o femalagaa’iga lautele e amata atu i le masina fou pei ona iai le folafolaga a le Vaega o Felauaiga a Aukilani, le Auckland Transport i le taeao analeila.
O le aso 4 o Fepuari ua fuafua e faamamalu ai lea siitaga ma fai mai le liipoti ua faatino lea tulaga e fesoasoani ai i le siitia o le tau o le faatinoina o auaunaga.
Na o latou faailoa foi o le fesuiaiga o le tau o pasese ina ia sailia ai se tupe faaopoopo a le auuanaga o se tulaga e ui e lē lelei peitai o se laasaga e manaomia ona faatino e le Auckland Transport ina ia kava ai le tetele o tupe e manaomia mo le faagaioia o le auaunaga.
