O le afā o Dovi lea o loo lipotia o le a kolosi ane I luga o le ogatotonu o le atunuu ile aso Sa nei ma o le a aofia ai le atunuu I timuga mamafa ua fetauaina e amata atu ile afiafi nei. Fai mai le lipoti a le vaaitau o le afa o loo iai nei I le itu I matu I sisifo o Niu Sila e lata I Niu Kaletonia.
Fai mai le vaaitau e mamafa timuga ma to faatautau ile itu I matu ma le ogatotonu o Niu Sila ma e tele faaitu o le a aafia ai .Taua e le vaaitau e masani ai I tausaga taitasi ona vaaia le ituaiga tau lea I luga o Niu Sila ae o le itu ua matauina ile tausaga lenei e foliga ua agai ile west coast ile North Island .
Ua faailoa foi e le Vaaitau ile lipoti a le televise a Niu Sil aua fuafua e faaititiia le malosi o le afa o Dovi pe a taunuu mai I Niu Sila ae sa faamauina o le afa I le vaega tolu, category 3 cyclone ma ua fautuaina foi le mamalu o le atunuu ia faaeteete.
