Ua folafola nei e le Palemia o le atunuu Anthony Albanese o le a faia se suesuega i le faama’i Koviti-19 lea ua leva ona faatalitali iai nisi.
O le suesuega la e 12 masina o le a faatino ai ma o le a suesue ai le tali atu a le faigamalo, federal government i le pandemic, e aofia ai le silasila i tagata na ma’umau soifua, toe suia o nofoaga e aumau ai, mafatiaga ma tupe faaalu mafua mai i faiga faavae faatatau i le Koviti-19.
Na faia faatasi mai le folasaga a le Palemia ma le Minisita o le Soifua Maloloina o Mark Butler i Adelaide i le aso.
Fai mai le Palemia e tāua le iloa poo ā faiga sa aogā ona faatino ma mea sa lei aogā ia Ausetalia ma lana tali atu i lea luitau tele mo le lalolagi atoa i le tulaga tau le soifua maloloina.
