Ua toe faafou le faigāpaaga a Niu Sila ma le Atu Kiripati auā nisi fesoasoani faaopoopo i auaunaga e pei o le soifua mālōloina, galuega faavaitaimi aemaise o le saogalemū o le puipuiga o le suavai.
O le Minisita o le Va i Fafo a Niu Sila, Winston Peters na sainia lea maliega i Tarawa i le asō faatasi ma le sui peresetene o le atunuu, Dr Teuea Toatu.
Ua faamaonia ane lea maliega e se sooupu mai le matāgaluega o le va i fafo i le RNZ ma ua faailoa ai foi ua mae’a ma le iloiloga sa faia e faatatau i lea matāupu ma ua toe faaauau foi le mafutaga e pei ona sau ai mai le tele o tausaga ua tuana’i.
Puna o Faamatalaga: https://www.rnz.co.nz/international/pacific-news/584429/new-zealand-and-kiribati-sign-statement-of-partnership-agreement
