Ua iai fuainumera fou ua faailoa ai le faatupula’ia pea o le aofa’i o tagata Niu Sila ua aga’i ese mai ma le atunuu i le tausaga ua tuana’i ae ua faailoa foi le siitia o le aofa’i o tagata o loo asiasi atu i Ausetalia.
O le ofisa o fuainumera a Niu Sila le Stats NZ na o latou faailoa o le aofa’i o tagata malaga ane mai Ausetalia i Niu Sila ua oo i le 1.48 miliona i le tausaga na faamae’a mai ia Setema o le tausaga nei o lona uiga e 1.33miliona ua siitia ai lea numera pe a faatusa i le tausaga talu ai.
Ua faailoa o le faatupula’ia o le aofa’i o tagata asiasi mai i Niu Sila mai Ausetalia i le masina lava ia o Setema o le tausaga nei ua ogatasi ma le siitia o le aofa’i o faigāmalaga i le va o Ausetalia ma Niu Sila aemaise o ofisa o tulisi ma a latou campaigns.
E ese mai la ia Ausetalia ua faamauina o Amerika, United Kingdom ma Iapani isi atunuu o loo maitauina ai le faaopoopo o tagata malaga mai i Niu Sila.
E lē gata la i lea ae ua faamauina foi e le Stats NZ le to’atele o le aofa’i o tagata Niu Sila ua aga’i atu i Ausetalia i le piliota lea ma ua faailoa e 46,400 le aofa’i o tagata na faimalaga ese atu ma Niu Sila ia Setema o le tausaga nei, ma o le to’atele o i latou o sitiseni o Niu Sila sosoo atu ai ma sitiseni o Saina, Initia ma le Atu Filipaina.
Puna o Faamatalaga: https://www.rnz.co.nz/news/national/578766/record-number-of-new-zealanders-leave-country
